साधर्म्य

 कुणाला कुणाच्यातरी स्वभावाशी साधर्म्य वाटतं तर कुणाला एखाद्याच्या विचारांशी साधर्म्य वाटतं. विचार करू शकेल असा प्रत्येक जीव कधी ना कधी एक दुसऱ्याच्या सुख-दुःखात साम्य शोधण्याचा प्रयत्न करतच असतो, आणि ते शोधूनही नाही मिळालं तर ते दुःख वेगळंच. आपल्याकडे काय काय आहे हे उमजून घेतल्यावर बरोब्बर आपण तिच व्यक्ती साम्य शोधण्यासाठी निवडतो जिच्याकडे आपल्यापेक्षा काहीतरी कमी आहे, मुद्दामहून. आणि मग सुरु होतो बरोबरीचा खेळ. आत्मिक समाधान त्याशिवाय कसं मिळणार म्हणा.

साम्य करताना बरोबरी अनायासे होत असेलही, मात्र तुलना करताना जो नकळतपणे अहंकार आणि तिरस्कार वाढत जातो त्यापेक्षा आपलं साधर्म्य केव्हाही बरंच म्हणायचं.

-चैतन्य दातखिळे

दि.१२-१०-२०२३