कुणी अथक परिश्रम घेतलेल्या निकालाची वाट बघावी तर कुणी ह्या दुःखाचाही होईल अंत कधीतरी ह्याची वाट बघावी. परिस्थितीमुळे सोडून गेलेल्या माणसांचीही वाट बघावीशी वाटते कधीकधी. तर कधी परतूनच न येणाऱ्या माणसाची अविरत वाट बघावी. मरणप्राय यातना भोगत असताना होऊदेत शेवट आता तरी म्हणून मरणाची वाट बघावी तर कधीतरी ह्या अगणित सुखानंतर दुःखाची झालर येईलही नकळत ह्याची वाट बघावी. वाटेकडे डोळा लावून वाट बघत बसणाऱ्यांची वाटही लागते कधीकधी पण वाट मात्र दिसत नाही.
वाटा संपून जातात, वाट बघणं मात्र संपत नाही.
-चैतन्य दातखिळे
दि.३१-१०-२०२३
No comments:
Post a Comment