लहानपणी उचकी आली कि फार बरं वाटायचं. कुणीतरी आपली आवर्जून आठवण काढतंय हि भावनाच किती सुखावणारी होती हे आत्ता समजतं. मग कुणीतरी आपली आठवण काढतंय म्हणून उगीचच मित्र-मंडळींना, नातेवाईकांना भेटून किंवा फोन करून विचारायचं तू माझी आठवण काढलीस का? ह्यात पण फार समाधान वाटायचं. पोरकटपणाच होता तो म्हणा...पण तो एक नवी उमेद देऊन जायचा पुढच्या काही दिवसांसाठी.
आजकाल ना कधी उचकी येत ना कधी कुणाला आठवायला वेळ असतो. आज आलेली मात्र उचकी बऱ्याच दिवसांनी, पण ना त्यानंतर लगेचच पहिल्यासारखा आठवणींचा कल्लोळ माजला ना ती उचकी आपलीशी वाटली. उचकीच ती, आली आणि लगेच गेली.
-चैतन्य दातखिळे
दि.१०-१०-२०२३
No comments:
Post a Comment